婷婷送鑽石賀嫲嫲百歲壽

謝婷婷前晚出席鑽飾活動，佩戴逾百萬元鑽飾的她開心透露今年是嫲嫲一百歲大壽，問她會送甚麼禮物？婷婷謂：「想送大鑽石或者封大利是，因為嫲嫲鍾意鑽石，想買粒大到唔使用老花眼鏡都睇得到！」她又坦言嫲嫲未見過男友安志杰，如大搞壽宴會帶他出席：「真係好難得！（不如送孫女婿畀佢？）佢要戴得到喎！其實我都想孝順啲，因為我喺加拿大時都有照顧我，其實我哋家族好大，有三十幾人，有時望住嫲嫲好得意，全部人由佢而嚟！」
婷婷表示要帶男友見嫲嫲。
婷婷表示要帶男友見嫲嫲。

此外，模特兒林莉同場演繹48萬元鑽飾，她表示自小不愛打扮，更自嘲為醜小鴨：「選港姐時先第一次着高跟鞋！」另邊廂的莊思敏表示剛過了一個很平安的情人節，首次感到這個節日咁難過，問到林忠豪有否送花？她則說：「冇聯絡！」

莊思敏直言今年情人節好難過。
  • 莊思敏直言今年情人節好難過。
林莉自嘲醜小鴨。
  • 林莉自嘲醜小鴨。