陳豪揸開篷車女友密冚
陳豪與陳茵媺這一對愈愛愈甜蜜，陳豪表示情人節親手下廚煮給女友吃，又大讚女友廚藝了得；而熱愛駕駛的他最愛就是開篷車，不過若載着女友就會關篷，畢竟拍拖都是二人的私事，不欲太高調！
陳豪與陳法拉前晚一同出席全新「Lexus GS強勢登場」活動，兩人均對現場價值70多萬元的新車大感興趣，其中陳豪表示自己很喜歡駕駛，特別愛開篷車，可試過用開篷車載女友陳茵媺？他笑說：「如果載住佢就要關番個篷！不過我覺得依家女士揸車愈嚟愈辣，（你話陳茵媺好辣？）個別例子啫，不過我辣過佢。」
讚女友煮嘢都OK
問到情人節如何慶祝？他害羞地說：「留番畀我哋兩個少少回憶啦，（有冇下廚？）少少啦，（咁陳茵媺有冇煮嘢畀你食？）佢鍾意煮西餐多啲，佢煮嘢都幾OK o架，尤其是煮齋菜！」還做了一個OK的手勢，似乎相當滿意女友的表現！
而法拉也自爆情人節在家下廚，不過就反傳統煮中餐，她笑說：「因為收工五點幾先去買，都冇乜嘢剩，得番啲海鮮，咁咪煮中餐囉！」
法拉70萬車買得起
法拉自言很喜歡烹煮，不用工作時會天天下廚，最拿手就是西餐及弄蛋糕。她又大讚身旁的陳豪廚藝精湛，她續說：「嗰陣拍《溏心風暴》，佢教我點煮牛扒，所以我依家都成日煎牛扒，（男友有冇讚好味？）個個都話OK o架！」此外，法拉又謂很喜歡這架新車，記者笑言可叫男友送贈？她笑說：「我想自己買呀，我自己都買得起。」而近期人氣急升的「關二嫂」黃智雯，則為大會擔任司儀。
文：名人組