陽光妹誕6.1磅大口仔
奉子成婚的Mr.成員Tom和「陽光妹」何思諺（Leanne）公布喜訊！兩人的愛情結晶品已於2月16日傍晚出世，兒子重6.1磅十分健康，鼻大口大，樣子似足老竇，Tom全程目擊囝囝出世，興奮若狂！
生產過程全攝錄
初為人父的Tom激動說：「我有入產房拍DV，Leanne生產順利，囝囝好健康，我哋非常感恩，希望囝囝健康成長，快高長大，對世界充滿愛，為身邊人帶來喜樂。」他又感謝老婆Leanne的辛勞，希望她盡快養好身子，跟BB一樣健健康康，他說：「囝囝要住BB房，唔可以24小時對住囝囝，我哋好唔捨得。」本報向Leanne恭喜，她透過短訊回覆目前正在休息中，笑說：「希望有啲奶粉、纖體代言做吓，哈哈。」
蔡穎恩準備禮物
Tom的舊愛蔡穎恩則在facebook留言：「所有事情終於都完結，反正再也不再關我事。」明顯想跟Tom的舊情劃清界線，身為兩女好友的Anjaylia昨出動活動透露已知Leanne生咗BB：「自己唔做契媽，我要BB做我男友。（知唔知蔡穎恩反應？）佢心情好好，一早放低晒，仲買咗禮物畀BB。」
至於堪輿學家麥玲玲指BB命格屬火，想像力幾豐富，創意無限，有時比較情緒化，惟表演天份不高，適合做設計和寫作工作。
文：音樂組