張栢芝新片捲偷橋風波

張栢芝無辜捲入是非,其主演的新片涉嫌「偷橋」,令導演兼編劇阮世生大發雷霆,並保留一切法律追究權利:「偷橋偷到咁明目張膽,日後仲點信人呀?」

從影超過廿年的阮世生首次遇上這種事情,結果展開了近兩年的噩夢,事件更涉及新聞女王張栢芝!話說栢芝早前與韓藉演員權相佑主演的一部愛情片,懷疑源自阮導手筆,可惜最終劇本被盜用,阮導不但沒名沒利,還換來滿肚子氣,他昨接受電話訪問,道出事件始末,言談間怒氣未消。

不獲賠償

阮世生表示﹕「2010年我喺內地認識咗一個譚姓電影人,佢話幫我搵老闆,畀我執導自己嘅劇本《假鳳真凰》,點知幾個月後有人打畀我,話我套戲已經改了名並開拍了,導演係潘源良、監製係關錦鵬。我打畀阿關,佢話當初同電影公司傾,已經發現個劇本出自我手筆,佢仲叮囑電影公司,要同我搞清楚版權先。」結果該名譚姓電影人最終與阮導簽了合約作出賠償,但拖了七、八個月後,卻回覆指電影公司不肯為此賠錢!

討回公道

他又透露「今日(即昨日)係我畀佢哋嘅deadline,其實都已經冇諗住攞番啲乜,一直希望和平解決,依家公開只係想還自己一個公道。呢幾個月以嚟憤怒多於一切,入行咁多年未遇過同樣嘅情況,咁明目張膽唔尊重知識產權,日後仲點合作呢?」阮導明言會保留法律追究權利,並向本報率先發放個人聲明。記者亦嘗試聯絡栢芝及關錦鵬,惟截稿前未獲回覆。

文﹕影視組