文詠珊多人吼 收兩紮花示威
Janice Man早前與拍拖七年的有錢男友李冠峰分手，情人節決定寄情工作。對於前男友被揭與o靚模拍拖個多月，她大方回應：「佢開心就得。」但亦不忘還擊指自己身邊不乏追求者，絕對不愁寂寞。
黎明愛將文詠珊（Janice Man）、熊黛林（Lynn）、徐濠縈等昨日出席Furla活動。對於日前JM前男友李冠峰被披露與冬甩o靚模劉瑋欣拍拖一事，JM雖然不欲多談，但卻大方表示：「作為朋友，佢開心就得。」
強調非同性戀
JM坦言情人節整天都在工作中度過，坦言緋聞男友李治廷並冇約會她，但她卻甜蜜地表示收到兩束花：「我助手同一個好好嘅女仔朋友送咗花畀我！真係好感動，以為今年會冇花收。」另外，她澄清與早前傳出緋聞的同性副導演只是朋友關係，並強調自己不是同性戀者。問到有沒有人趁情人節向她示愛？她即自爆：「呢排有，不過自己唔啱，好睇緣分。」
熊黛林恨收花
同場的Lynn表示情人節沒節目，笑言要做父母的電燈膽。問到男友郭富城有何表示？她表示對方正身處外地拍電影，已很久沒見面。她坦言自己很容易氹，只要一條短訊、一份小禮物已心滿意足，更揚言恨收花。而徐濠縈則表示晚上會前往欣賞好友黃偉文的演唱會，坦言希望帶同囡囡一同出席，問到好友謝霆鋒及張栢芝復合一事，她回應：「佢哋仲有小朋友嚟聯繫，知佢哋仲有聯絡，不過其他嘢就冇問喇！」
文：名人組