天明帶頭夾100 博贏5千萬

洪天明與攝製隊一行十幾人，浩浩蕩蕩在日本東北區拍攝日本觀光局《春之日》旅遊特輯，當他們在涉谷發現「東日本大賑災復興支援」彩票獎金高達5億日圓（約4,965萬港元），即二話不說夾份以一千日圓（約100港元）買彩票，希望博中這日本史上最高彩池，更揚言中獎後會捐出部分獎金幫助日本災民。

麥包差兩期中頭獎

麥長青自爆中學時代曾幾乎中六合彩頭獎，他說：「當年曾經夢見七個號碼，結果真係中咗，不過係隔咗兩期囉！」雖然還未開彩，但監製錢國偉坦言已「有嘢落袋」，他說：「今次嚟日本睇咗好多遊戲節目，啟發到我新構思，獲益良多。」至於錢嘉樂表示十二年前曾到日本拍電影取景，住了三個多月，此行勾起很多回憶和感覺，最感動日本人在災後表現不屈精神。

周家蔚	嘉樂人在日本，仍遇上粉絲。

漏夜返港共度佳節

至於天明，昨晚趕拍特輯後，即漏夜返港與「未來老婆」周家蔚共度婚前最後一個情人節，更在微博送上心心冧家蔚，今日再飛哈爾濱開工。記者發現天明在日本不時買BB衫，原來他心急生B，說：「雖然老竇（洪金寶）話咩生肖都冇所謂，但我就好想生龍B，要努力『造人』，快啲泵大家蔚個肚。」他又透露婚禮已籌備妥當。

文：專案組