阿嬌明寸阿旦博宣傳

組合Twins成員阿嬌近日被指介入TVB主持阿感的戀情，導致他與同居5年的𡃁模女友阿旦分手，報道又稱阿感經常向阿嬌獻殷勤。昨日阿嬌聯同拍檔蔡卓妍（阿Sa）現身電台受訪時，斷言事件跟自己無關：「唔好再拖我落水！」

阿嬌表示和阿Sa一樣，相識阿感超過十載，一直視對方為好兄弟好姊妹，身邊朋友對阿感跟女友分手一事都早已知悉，同時事件曝光後，戥阿感被指花心感不值：「佢（阿感）唔想做衰人，結果就畀人食住上！」阿嬌更明言不認識阿旦，繼續開火：「件事唔關我事，係女方單方面幻想，要做新聞都唔好咁。」

「遇人不淑」

在報道出街後，兩人透露阿感有聯絡過她們，並對牽涉到她們覺得很抱歉，阿嬌稱有安慰對方，亦不會因此影響大家的友誼，又寄望成功回復單身的阿感：「希望佢唔好再遇人不淑。」在旁的阿Sa亦說：「我都希望佢遇到個真心對佢好嘅人。」

江若琳斥流料

此外，同樣備受牽連的江若琳昨日出席活動時，亦對自己被捲入阿感的分手風波感到無奈，一向視對方為「好兄弟」，亦從未如報道中所指的單獨與阿感約會，直斥報道「流到爆」。而事件女主角阿旦，接受電話訪問時就表示心情不佳，感情事更不欲多提。

文：音樂組