汪圓圓拍拖遊杜拜 拖手驚人鬧

模特兒汪圓圓及前歌手趙梓淇（Yu），昨日出席大埔超級城活動。圓圓表示剛與男友「玩具大王」蔡志明兒子蔡加讚到杜拜旅行一星期，二人均首次踏足當地，事前並不知道當地因信奉回教，除了女性衣着不能暴露外，情侶不可於街上拖手。她笑言：「朋友都問點解去啲咁唔浪漫嘅地方，不過我哋去到拖手都冇畀人話。（加讚有冇畀啲乜嘢驚喜你？）冇特別買嘢，不過我哋喺世界上最大嘅shopping mall度蕩失路。」另外，圓圓表示二人均有到對方家拜年。問到她與對方的家人是否相熟？她坦言：「OK啦！（有活動都預埋你？）係呀！」至於情人節，她坦言暫時未有任何計劃，但卻甜蜜地表示男友是個很浪漫的人。