劉心悠輕鬆自破紀錄

劉心悠已是第五年參加馬拉松比賽，還有英皇藝人鍾舒漫（Sherman）、張致恒（Steven）、湯怡、陳家樂及首次參賽的連詩雅昨日向十公里賽事挑戰。

素顏上陣的心悠表示心情輕鬆：「唔係好緊張，頭幾年跑就好似打仗咁，驚跌親或其他嘢，依家會識放輕鬆。（目標破自己紀錄？）目標係希望可以順利跑完，時間唔係重點。（下年參加半馬或全馬？）十公里都驚冇時間練，唔想夾硬跑，同埋我諗住跑十年十公里，呢個十年之約都未完成。」

放大圖片	陳偉霆（左）、洪卓立（右）為張致恒拉筋打氣。

快去年十五分鐘

至於眾藝人都順利完成十公里賽事，當中心悠以1小時17分比去年成績快15分鐘，而Sherman亦以1小時05分，比去年快5分鐘，兩人均成功創下自己最佳紀錄，心悠笑言：「可能上年跑得太慢。」但最令人意外是首次參賽的「新丁」湯怡竟與Steven和陳家樂同時以58分鐘完成賽事，成為女星之冠，而連詩雅亦跑出1小時04分佳績，劉美君則挑戰半馬，以2小時19分完成。

洪卓立怕暈甩底

開跑前湯怡更踢爆緋聞男友洪卓立（Ken）甩底：「佢之前問我跑唔跑，點知佢自己甩底！不過佢啱啱喺大陸做完騷，凌晨先返。」身旁的Steven即笑言：「我驚佢（Ken）到時唔係上C1，係A1！」不過，Ken和陳偉霆（William）則有到場為他們打氣，Ken亦言怕勉強參賽會暈低。對於賽後有參賽者猝死，Steven表示：「所有運動都有佢風險，唔知參加者有冇隱疾，所以之前都需要有教練幫自己Check清楚身體。」

至於，連續兩屆冠軍、鄭欣宜外籍男友Mark Ryan，則以約35分鐘完成十公里賽事，未能打入三甲，問到欣宜有否到場為他打氣？Mark表示：「我見唔到佢，但聽到有人為我打氣，認得佢把聲！」

文：音樂組