霆鋒爆Lucas求父母復合

謝霆鋒最近頻頻被發現出入陽明山莊，雖則是探望兩名兒子Lucas與Quintus為名，但直認有同栢芝團年，而霆鋒繼日前親口說不排除復合可能後，昨晚出席《逆戰》慶功時，他又開心地自爆Lucas多次開口做和事老，提出要求父母復合，令鋒芝關係再露玄機。

一向甚少將前妻栢芝掛嘴邊的霆鋒，近日經常提及，未知是否為復合鋪路？

霆鋒、周杰倫、導演林超賢、老闆楊受成等昨晚現身陽明山莊，為英皇電影《逆戰》暫成為賀歲華語片票房冠軍舉行祝捷會。期間眾人舉行撈起儀式，寓意票房再創新高，楊受成更逐一致送牌匾給導演及一眾台前幕後。

霆鋒承認新年期間經常探望一對寶貝仔，亦有與栢芝食團年飯。（資料圖片）

認見前妻正常食飯

「兄弟檔」霆鋒與周杰倫一個斯文、一個鬍鬚Look現身。剃了鬚、穿西裝、戴眼鏡的霆鋒透露今早探完兩個寶貝仔：「我成日都見佢哋。（新年日日陪住佢哋？）唔敢咁講，都陪咗好多日，見拉姑嘛！（有冇諗住帶佢哋出埠？）唔會，自己成日唔喺香港，Lucas有叫我唔好成日走，我同佢講要做嘢，咁佢都好明白。呢個年代小朋友，比我個年代進化好多。反而細仔就慢熱，但都好得意同好笑。」談起一對寶貝兒，霆鋒總是一臉慈父模樣。

不時探望一對寶貝仔的霆鋒透露偶然會碰見前妻栢芝，基於兒子及中國傳統的大前提下，早前亦一起吃團年飯，他更有感而發表示當今社會離婚實屬普通事。