梁小冰王志海好同學不絕交

梁小冰因賢妻良母形象深入民心，前日被爆背夫翹仔後，令不少藝人大表驚訝。事件曝光後，小冰曾透過經理人表示不作回應，但昨日她終打破緘默接受本報電話訪問，並指報道很好笑：「好surprise（震驚），係我入行22年第一個封面！」她又解釋前日並非「潛水」，只是工作太忙沒時間回覆。

去劏房唔係事實

小冰透露當日知道被偷拍，只是沒想到會被寫成這樣，她解釋與王志海（Brian）只是同學關係：「我哋一齊上堂，其實我哋成班感情好好，Brian銅鑼灣間餐廳係我哋落腳地。」

王志海	陳嘉輝以WhatsApp回覆記者，表示與小冰互相信任。	放大圖片

她強調被指出入劏房的報道「唔係事實」，並說除了Brian，很多同學都會送她搭車回家。又指從來沒有與Brian微博傳情，談到對方曾在微博提及「小冰」等敏感字眼，她坦言從沒看過其微博：「我冇研究佢係咪咁寫過我。」並強調不會因傳緋聞與Brian絕交，下月二人還會繼續一起上課！

因以往演得太多賢妻良母，小冰說令觀眾誤以為她很乖：「其實我私下好熱情，但我入行廿幾年都冇傳過咁嘅緋聞，證明我唔係亂嚟嘅人。我覺得翹手、擁抱係正常社交，只係大家覺得愕然。」她說與老公陳嘉輝有共識，只是抗拒與老公一起澄清：「佢明白就得。其實我唔想澄清，只係唔想朋友擔心先講。」至於嘉輝則透過短訊回覆說：「希望大家繼續支持佢（小冰）、愛護佢。我們互相信任……」最後還送上笑臉符號，證明心情很好。

文：影視組