超儀撐「瓊俞」籲咪畀壓力
何超儀昨晚出席公司春茗，對於何超瓊與俞琤早前雙雙到巴黎十指緊扣甜蜜外遊度歲，身為妹妹的超儀對家姐實行力撐到底！記者問超儀曾否在家庭聚會中見過俞琤？她起初說：「唔講佢哋啦，做人最緊要開心，每個人都有權利選擇，我梗撐佢（家姐）。」更為家姐講好話說：「唔好再畀咁多壓力佢哋啦！（學林海峰話齋『保護瓊俞』？）鯨魚咁得意？絕種動物呀！」
當被問到會否覺得家姐與俞琤的關係是「新年進步」時，超儀則說：「我真係唔知。（你唔關心？）關咩心？咁大個人有自己選擇。（識唔識俞琤？）做得呢行，個個都識佢。」
