陳寶珠飲新抱茶冧晒

陳寶珠日前到電台接受查小欣訪問，提及過年時，新抱跪地斟茶，大讚她思想成熟，更說：「奶奶同新抱要平等，要當對方係自己個女咁，畀佢感覺到我錫佢，令佢放開個心，佢都有跟天經一齊跪地斟茶畀我飲，新抱真係好乖，因為有好多女仔都唔肯跪地斟茶。」

寶珠姐承認初時與新抱有隔膜，她說：「初初係有啲隔膜，最重要真心愛錫佢，唔好擺奶奶款，呢招喺呢個年代係唔得，我都有問佢，如果佢想叫我奶奶就奶奶啦，鍾意跟天經叫媽咪都得，佢就話跟天經叫我做媽咪。」另陳寶珠指她於４月演出的《紅樓夢》會請仙姐捧場。