鍾舒祺（Sukie）和家姐鍾舒漫（Sherman）姊妹情深，Sherman常為全裸的妹妹擦背外，Sukie又不介意聞住姐姐如廁味刷牙，她更相信他日結婚，姐姐的至愛仍然是自己。
Sukie日前來港出席頒獎禮活動，並和家人共享天倫，談及她和姐姐的生活點滴，Sukie坦白兩姊妹無秘密可言：「我沖涼時，會叫家姐幫我擦背啦，就算佢去廁所『開大』，我都照入去刷牙o架，我唔覺得有異味喎。」不過她細細聲投訴Sherman新屋預留給她的房間，因擺放太多雜物，變得愈來愈細，令她有被不受重視的感覺。
將來Sherman拍拖或嫁人，Sukie可會呷姐夫的醋？她自信爆棚說不會，深信家姐最愛仍然是她，Sukie說：「家姐曾經為咗我『撇』當時的男友，佢要拍拖，只要我同佢講一句：『家姐，陪我去街呀。』佢就會立即打畀男友話唔得閒，之後就會好開心同我去街街，家姐永遠都係屬於我嘅。」
在家中Sukie萬千寵愛在一身，Sherman亦樂於做她的「人肉提款機」及「禮物小姐」，但Sukie絕不會恃寵生驕有「公主病」，自問對家庭都有貢獻：「我有畀錢養阿爸、阿媽，之前參加唱歌比賽贏得嘅獎金，我全數畀晒屋企。（獨個兒在台灣生活，咪要節衣縮食？）我唔係物質主義者，唔鍾意買衫、掃名牌，對食都冇要求，我嘅至愛係幫襯台灣唱片公司附近嘅街頭小食。」
文：音樂組 攝影：黎志輝