Ana R.長裙絆腳 險趴街
混血模特兒Ana R.前晚出席活動時因晚裝裙太長，不慎絆倒向前仆，差點在傳媒面前跌倒地上，事後即大呼好彩，表示幸好不是在台上發生，她又謂不怕甩裙，反而鞋太大怕甩鞋。
前晚一眾模特兒包括Ana R.、姚予晴、陳碧舸和戴小奕等齊為「香港‧華麗秀」行時裝騷，熊黛林（Lynn）和Alice B.等則以嘉賓身份看騷。當Ana接受訪問時，因被所穿的拖地晚裝裙絆倒，令她突然失去重心，整個人向前仆，差點整個人趴在地上，幸好她反應夠快，加上身旁的公關即時上前扶着她，才不致出醜人前。
事後Ana大呼好彩：「因為條裙好長，今次係喺傳媒面前，畀人影到，我唔可以扮冇嘢。（第一次？）經常發生，好在唔係喺台上，否則就更差，好彩。」曾有女星行紅地氈時被人踩甩裙，問Ana可有試過？她說：「冇，助手會幫我做足安全措施，但鞋就未必，因為對鞋有啲大，好難平衡。」
Alice B.享受性感
而Lynn亦表示行騷時經常都會仆倒：「就算跌倒都要好靚咁起番身同埋笑，試過有觀眾為我鼓掌。」她曾跌倒坐在台上兼甩了一隻鞋，最後索性把另一隻鞋也脫掉繼續行騷。她說：「我見過有啲跌得仲誇張，直情雙腳朝天，要畀人拖落台或扶落台，戥佢哋好痛，模特兒工作都唔容易。」另外，Alice B.以超Deep V透視裝性感上陣，她坦言很喜歡和享受性感。
文：名人組