阿Sa霆不了的愛 阿嬌骨都痹
女子組合Twins昨日出席活動，蔡卓妍（阿Sa）日前在歌迷會上化身卡通人物，為即將生日的鍾欣桐（阿嬌）送上肉麻驚喜，問怕不怕男友陳偉霆會呷醋時，阿Sa即冧爆說：「愛我就要愛我嘅一切！」身旁的阿嬌忍不住高呼肉麻骨都痹。
Twins昨日出席海港城舉行的《情‧尋朱古力》藝術展覽宣傳活動，提到朱古力，阿Sa與阿嬌不約而同聯想下月的情人節。向來對下廚有研究的阿Sa自稱曾炮製傳統的蛋糕與朱古力：「上年整咗曲奇，今年唔知整咩，冇理由一樣o架！」
扮米奇老鼠賀壽
農曆新年將至，兩女透露公司上下一齊放假。由於阿嬌生日與年初一只差兩日，阿Sa今日又要到內地出席春晚活動，故屆時未必可以一齊慶祝。阿嬌說：「前幾年都唔喺香港過，其實前幾日歌迷聚會都慶祝咗，阿Sa以神秘嘉賓身份扮米奇老鼠出現，真係估佢唔到，因為本身佢話工作唔嚟得！」
阿Sa除扮嘢上陣，更送了名貴手袋與肉麻情信祝賀好姊妹生日，阿Sa笑言大家可參考作情人節禮物。
「要愛我嘅一切」
問到會否擔心男友陳偉霆呷醋？阿Sa冧笑說：「唔會，愛我就要愛我嘅一切！」身旁的阿嬌聞言即高呼肉麻兼骨痹，「知衰」的阿Sa惟有尷尬地說：「Sorry，Sorry。」場面搞笑。問阿Sa新年會否與男友外遊？她說：「少少計劃。（避年？）有乜咁好避，想叉足電啫。」