婷婷龍年唔急嫁安志杰

昨日謝婷婷與陳茵媺出席新年活動，被問會否在龍年與男友安志杰拉埋天窗時，她笑着反口：「點解咁多人揀龍年結婚？（趕生龍B嘛，你之前話2012世界末日結婚？）要睇係咪世界末日，冇人知o架﹗」至於兄長謝霆鋒是否與張栢芝復合，婷婷以例行答案回應：「唔清楚，如果新年霆鋒喺香港就會一齊團年，唔會分開地方去幾次。（姪仔同栢芝會到？）唔清楚，佢哋兩個係大人，佢哋開心就得。（霆鋒之前回應記者復合時話：『再問打你』？）哈哈，好似爸爸，真係有遺傳，呢個係好嘅方法處理。」