熊黛林嫁得望大家祝福
熊黛林（Lynn）日前聯袂新片《八星抱喜》拍檔吳君如及杜汶澤接受記者訪問，對於有傳與郭富城結婚，Lynn笑說：「我未儲夠私己錢喎。（隱婚？）我結婚唔會唔講，因為希望有大家嘅祝福。（同城城有共識？）吓？呢個係我自己嘅諗法啫，每個人嘅處理方式唔同。」Lynn又笑言家中已有兩個「小朋友」（愛犬），所以不急於完成人生大事，記者打趣問愛犬是否姓郭？搞得Lynn急忙回道：「依家暫時姓熊囉。」
同場的君如透露愛女陳是知想有弟妹陪她玩，陳可辛（Peter）曾隨口噏氹囡囡謂：「其實你有個妹o架！」君如聞得Peter之言竟大方道：「係都好，攞BB返嚟囉，慳工夫添！」
另外，Lynn前晚出席公開活動，談到城城愛駒下星期到港，有指《愛的呼喚》是選擇名字之一，Lynn表示：「個名幾好好經典，一聽知道係佢隻馬，（隻馬改你個名好唔好？）唔使！」