Ana R.諸事不順急搬屋

昨日Ana R.與姚予晴一同擔任模特兒示範珠寶首飾，其中Ana透露早前與友人到了新加坡慶祝除夕，此行卻遇上不快事：「成班朋友都係一雙一對，只得我一個人單拖，本來有朋友話介紹個男仔畀我識，點知最後呢個男仔冇出現。另外有一日同朋友去club，又被人偷咗二千蚊坡紙，差唔多萬二蚊港幣，好在電話同相機喺番度，就當破財擋災囉！」向來篤信命理的她，新一年可有找師傅贈言？她即說：「有呀，師傅話依家住緊呢度唔利我，包括感情同健康，而且冇得化解，只有即刻搬；我諗番之前好多嘢都唔順利，所以依家都好急睇屋。」