基仔無意攞獎 陳奕迅玩大咗
陳奕迅（Eason）前晚沒有出席《勁歌金曲頒獎典禮》，惟有留在家做觀眾，當播出林峯燈牌片段時，他將手執勁歌獎項的「嘟嘴」相上載微博，留言「我Chok咗成分鐘都等唔到個特寫……」借林峯自娛一番。Eason轉發網友質疑頒獎禮賽果的言論，但沒加評論。
另有網友上載Eason在《十大中文金曲頒獎禮》慶功宴的訪問片段，鬧着玩的他黑面說：「你們覺得古巨基是我的強敵？」網友批評他「玩大咗」，更有網民留言鬧爆Eason，基仔經理人霍汶希回應：「如果Eason真係咁講，佢就贏咗獎，輸咗品。」
在前晚頒獎禮奪兩獎兼成「最受歡迎男歌星」四連霸的基仔，坦言想過不再攞獎，他說：「覺得頒獎禮嘅氣氛同初入行時好唔同，公司同公司之間好似好多鬥爭。」但經高層霍汶希及吳雨力勸下，他才暫時被說服，但他強調還是鍾意唱歌和熱愛音樂。談及他平了譚詠麟的四連霸佳績？基仔指校長地位超然，會視對方為學習對象。