祖兒攬粉絲開香檳祝捷

祖兒前晚出席《十大勁歌金曲頒獎典禮》慶功宴，七奪「最受歡迎女歌星」的她可謂威盡全場，提到破了梅艷芳六度奪女歌星的紀錄，祖兒謙虛表示：「好難話同梅姐比，佢地位超然，對我嚟講，佢喺天堂係另一種天后，係我嘅榜樣！」祖兒並言獎項是一種鼓勵，由細到大都想當一位全能藝人：「地位唔係來自拎幾多個獎，我喺最黃金嘅歲月可以盡情發揮，已經交代得好好。」雖然祖兒未能奪得「亞太區最受歡迎香港女歌星」，但她大讚王菀之實至名歸。

壓倒Eason風騷

祖兒於四個頒獎禮上壓倒陳奕迅（Eason）成獎后，她風騷表示：「我知我贏咗！」又指將到英國開個唱的Eason是「爛片王」，應多花時間於電影上，她又自嘲：「我都係爛片，不過唔係王，我同佢可以玩個爛片大聯盟！」不過祖兒為人公道，她指Eason的確去少一個頒獎禮，故不能以獎項來作比較：「但佢今年啲歌，我覺得我超越咗佢！佢話自己係國際級歌手冇問題，做人應該有信心！」

英皇一眾得獎歌手與樂易玲、吳雨舉杯。	林峯成支香檳揸住飲，與數十名歌迷分享喜悅。	粉絲到場與祖兒一齊開香檳，更與偶像攬攬。

至於連續三度奪「亞太區最受歡迎香港男歌星」及「金曲金獎」的林峯，受訪時表示一晚要兩度獻唱得獎歌《Chok》，因而「Chok」親腰：「我冇諗過一晚要『Chok』兩次，依家條腰有啲痛。」同時稱「Chok」一詞是香港人創作出來，現在得到大家共鳴感到很欣賞。

集齊一套獎項

對於三連霸「亞太男歌星」，林峯稱因去年在音樂工作上投放時間較多，加上推出國語碟，故感覺已較上兩次得獎輕鬆。問到會否以「最受歡迎男歌星」為目標？他笑言：「都好希望，咁可以集齊一套獎，我會繼續努力。」

祖兒與林峯出席慶功宴後離開時，獲數十粉絲到場打氣，及開香檳慶祝，粉絲除了向偶像送上禮物外，祖兒更連開九支香檳慶祝，又開心得攬住粉絲，場面熱鬧！此外，前晚的《勁歌》總選，無綫及廣管局分別接得10及25宗投訴，都是有關賽果不公。

文：音樂組