猷君超欣即拆禮物趕濕平

普天同慶的日子，賭王何鴻燊特別忙碌，要分別與幾房人慶祝，昨日就同四太一家享天倫樂。雖然天氣寒冷，亦無損賭王雅興，昨日約三時，四太與細女超欣現身銅鑼灣Cova餐廳，約十五分鐘後，戴上帽子坐在輪椅上的賭王，由看護陪同到場，賭王精神奕奕，笑容滿面，餐廳的侍應向他說：「聖誕快樂！」賭王笑着點頭回應。賭王在餐廳逗留約一小時後由助手及看護護送下先行離開，看到記者影相還笑了笑，十分精靈。

開心與胞妹分享

約五時許，猷君與超欣齊齊離開，只見猷君手上拿着紅色利是封，他亦急不及待拆開，裏面放了幾張看似是聖誕購物禮券，他開心地與超欣分享，之後步行到扶手電梯，齊齊去濕平。隨後約五時半，四太及好友離開餐廳。

賭王笑意盈盈，精神十分不錯。

四太（左）與女友人齊齊離去，她隨即前往澳門了。

禮券係Auntie送

記者致電四太，她表示與何生食聖誕餐，問到大女超盈為何沒有現身，她說：「超盈喺美國，佢之前同超欣一齊去美國玩，本來一齊返，但超盈有朋友去，所以留多幾日。（猷君離開時手上拿着好似禮券，係咪聖誕禮物？）係Auntie送畀佢哋。（咁你送咗乜嘢聖誕禮物畀何生？）送咗自己畀佢。」四太繼又表示與賭王食完聖誕大餐後，隨即到澳門。

文：名人組

攝：追蹤組