甄詠珊抱病為亞視節目《撻著》錄影。坦言寂寞的甄詠珊昨自爆與男友郭力行已分手，雖有追求者出現但想「睇定啲」，所以收工後她約埋「剩女」朋友一齊去派對。問到是否等復合？甄詠珊說：「佢會去北京發展三年，如果到時佢未搵另一個，我都願意食回頭草o架！但目前就接受唔到相隔兩地嘅感情，好似自己病咗都想有個男友照顧自己。」
