官恩娜謝安琪齊送祝福

官恩娜：首先恭喜世榮，祝佢同太太新婚快樂，今年娛樂圈好多人結婚，每次聽到婚訊都會戥一對新人開心，我之前未聽過世榮結婚嘅消息，工作上見到，大家打招呼問候吓，唔會問佢私人事。

謝安琪：我收唔消息喎，梗係恭喜佢啦，祝佢新婚美滿，依家只剩阿Paul（黃貫中）未結婚咋，希望佢都努力啦。我好希望Beyond三子再聚頭搞音樂會，咁歌迷就有耳福啦。

雷有輝：係咩？我梗係恭喜佢，戥世榮開心啦，我哋好少見，只係有幾次返大陸做騷，喺火車站見到，但冇靚女同佢一齊喎，知佢喺大陸發展得好好，有開公司添，結婚咪正囉，踏入人生另一階段，祝佢早日生B啦。