許冠文搞P氹阿Sam
昨日晨曦會福音戒毒籌款晚會，許冠文與家人，梁錦松與伏明霞及三名子女、蔡志明太太李惠莉及子女等一同出席，問許冠文會否上台表演唱歌？他笑說：「我都幾十年冇唱，呢個世界啲觀眾好叻，睇要睇最好，聽要聽最好，我呢啲二打六，都係上台講吓棟篤笑，但我太太就會唱聖詩，啲孫就會扮聖誕老人叫人籌款。」
問到胞弟許冠英的骨灰海葬事宜？他說：「阿Sam（許冠傑）搞緊，佢係最傷感嗰個，不過依家心情都好番啲，年三十晚我哋一家人都會搞個派對開心吓，希望佢開心番。」他又謂Sam打算明年開演唱會，但當想到首次幾兄弟未能一同同台就十分失落。而骨灰就待申請證後，幾兄弟會一同出海撒在與母親相同位置的海中。