鍾麗緹愛情保質期6個月

性感女星鍾麗緹與李治廷及內地女星徐靜蕾等前日到上海宣傳新戲《親密敵人》，兩位女角鍾麗緹與徐靜蕾不約而同洩裙下春光，令活動增添了香艷氣氛。

徐靜蕾道出心聲

早前結束7年婚姻的鍾麗緹，於10月初被本報拍得在中環甜蜜蜜拖型男行街，但最終都否認戀情。前日她在活動上大談自己現時的愛情觀，於拍攝該片時正經歷離婚，而拍檔徐靜蕾亦特地為她改動戲中對白，令她演出時可不由自主的痛哭。

鍾麗緹坦言對白深深觸動了其心靈：「我睇劇本會流眼淚，嗰時我啱啱分居，打算同老公離婚，啲對白真係同我當時對婚姻同埋愛情嘅睇法好相近！例如是『如果早知道這樣我不應該跟他吵架，我希望我們兩個天天都開心。』」她強調現時自己對愛情已看得很開，又比喻愛情好似流沙，捉得愈緊就愈容易失去，要順其自然、相信緣分。

囡囡唔需要爸爸

早前有傳她再墮入愛河，鍾麗緹就明確表示自己目前沒有男朋友，感情正處於空窗期。不過她亦笑言自己的生活中不能缺少愛情：「我相信愛情係有保質期，而呢個保質期對我嚟講係6個月，如果過咗都仲係彼此鍾意，咁就可以繼續喺埋一齊。兩個人一齊唔容易，要珍惜每日嘅甜蜜感情！」

現時育有三女的鍾麗緹不會刻意為女兒找「新爸爸」，她表示：「我唔認為小朋友嘅成長一定要有男性長輩存在，話晒依家佢哋都大個啦，識自己獨立成長先最重要。」

文：影視組