兒時志願 人人不同 李曼筠出過書夢成真
相信每個人心目中都有「我的志願」，尤其小時候上作文堂，必會遇到這個題目，有人立志要當明星、模特兒，其實藝人也有他們的「志願」。好像「電眼美人」李美鳳小時候就想參選港姐，長大後更夢想實現；而汪圓圓亦成功當了能豐富人生閱歷的model！至於李曼筠，她原來是想為人師表，卻以另一種方式圓夢。
極速繪畫聖誕大匯演
李曼筠：「我細個就想做老師，因為自己好鍾意中文同文學。雖然依家唔係入呢行，但仍然好鍾意中文，之前都出過書，算係完成咗自己心願。」
徐靖雯：「從前只想畢業後做穩定的工作，每天朝九晚五。依家做咗模特兒，反而很開心，可以接觸更多人、看到更多東西。」
Harry Winston活動
林莉：「細個好想做音樂家，但冇畀心機學。依家覺得識跳舞嘅人好優雅，對我嘅工作有幫助，但我唔係想做舞蹈家，淨係想學識跳舞。」
官恩娜：「我以前想做獸醫，因為鍾意動物。不過依家對動物嘅敏感嚴重咗，喺屋企同阿哥、阿妹啲狗玩完之後，都會成身腫又痕。」
Estee Lauder活動
李美鳳：「我十幾歲嗰陣，喺電視睇到第一屆香港小姐，覺得佢哋好威水，大個之後好自然咁去參選，仲成功做咗香港小姐，令我覺得好自豪。」
Lancome晚宴
汪圓圓：「細個有三個志願，就係想做老師、空姐同藝員，空姐係因為好靚，後來搭得飛機多見到啲空姐咁辛苦就轉咗；之後覺得做老師要好有耐性，做媽咪教番自己小朋友就得；依家叫做踏咗半隻腳入娛樂圈，做埋model更開心！」
周柏豪：「我鍾意食嘢，細個想做廚師，大大吓就覺得冇乜天分，淨係識得食。不過由細到大都鍾意彈琴，於是向音樂發展，依家都叫做夢想成真！」
莊思敏：「想做心理醫生，我鍾意聽人講嘢，但未實現到，依家唔刻意再諗。若朋友想傾訴，我願意聽囉，係朋友堆嘅心理醫生。」