林盛斌開潮店親做生招牌

新城電台DJ林盛斌（Bob）半年前注資六位數字成為潮服店的股東，店舖專門代理美國、日本等著名的潮服品牌，雖然工作繁重未能時時落舖打點，但Bob經常為潮服影相親自做「生招牌」，他表示：「我朋友一向打理開呢間舖，係太太鼓勵我用啲儲蓄嚟投資，平時有買股票同基金，不過做生意都係另一個方法搵錢，投資半年都差唔多回本，好開心o架喇！」他表示大多數的管理都由拍檔負責，自己則只會參與大事的決策，例如舖頭裝修、加入新品牌等等，問到會否擔心因錢銀而傷兄弟感情？他表示：「唔會，我入股之前已經講明，如果第時有咩事因為間舖而鬧交，我會即時退錢退股，唔好因為錢而傷感情嘛！」