小春微博反擊 公安開file

近年轉攻內地吸金的陳小春，早前登台遇滋事觀眾擲螢光棒的片段網上瘋傳後，近日又惹是非。身在內地拍戲登台的小春，連環接到電話騷擾，來電爆粗又傳恐嚇短訊，他在微博公開事件和對方電話號碼後，即引發網友人肉搜尋將對方起底，亦引起內地公安局關注，主動聯絡他落口供。

昨日身在成都的小春接受電話訪問時無奈地說：「本來好小事，亦唔會嬲，因為曾經試過有粉絲唔知點樣得到我嘅電話，然後打電話嚟，不過都係好客氣咁講兩句話支持我，平常小事。」

公開電話號碼獲撐

不過這次令小春最興是對方爆粗，他嬲爆說：「我估係兩個人嘅惡作劇，佢哋打電話嚟，聽到佢哋互相推畀對方講，然後突然收線，再打嚟我叫佢哋講嘢，點知一嚟就爆粗，擺埋阿媽上枱就唔啱！」孝順的小春最討厭被「問候」母親，他隨即收線，豈料對方除了不斷來電，還傳恐嚇短訊給他，令小春不勝其煩，將事情和電話號碼在微博大公開，網友力撐小春，更引起「煙台市公安局」關注，他說：「好明顯係惡搞，多謝內地公安局主動聯絡我，我依家算係備咗案，公安局話有對方資料，如果再騷擾我，我會報警。」

文：專案組