張可頤open搵仔擋駕

張可頤昨日出席The LONGINES Saint-lmier「光影下的優雅傳統」攝影比賽揭幕儀式，而名模Jocelyn與夫拍住行騷。可頤被問到有雜誌拍得她與台慶出爐最佳男配角黃智賢共膳，因而指她搭上人夫，對此可頤一頭霧水反問：「邊次？係咪影到我同佢canteen食飯嗰次呀？嗰次我同助手食飯，見佢一個人，就話一齊食啦，識咗佢好耐啦，以前合作過，劇裏面佢就追我。（佢以前有冇追過你？）我好少喺工作地方識到男友，好遵守呢個規條。」她又表示認識對方太太，亦不用向她解釋，因為可頤認為這單緋聞得啖笑，又笑問為何是在公司canteen被偷拍，而不是浪漫的餐廳？她還開玩笑說：「都要快啲識番個，唔好咁dry，可能見我冇，就傳緋聞。」

約朋友遊歐洲

此外，可頤透露聖誕節拍畢劇集《天梯》後，會與家人吃聖誕大餐，亦會與愛好攝影的朋友到瑞士和歐洲shopping和影相。問她會否順道識個外國人兼閃婚？她笑說：「冇界限，最緊要夾，緣分要飛嚟就飛嚟。（接受異地戀？）好難維繫喎，不過我open to anything。」

黃智賢	Jocelyn與老公Anthony為品牌作示範。	周柏豪

此外，同場的周柏豪就透露前天冒住寒流到山上拍攝唱片封套後，凍親唔舒服，對於TVB與四大唱片公司破冰，他坦言感到開心，亦有留意李克勤上TVB的報道，但自己就唔心急。

老婆被跟好驚

另邊廂，黃智賢出席劇集《名媛望族》開鏡活動時亦否認說：「傻啦，梗係唔係！嗰日大家喺canteen撞到一齊坐咋嘛，下次真係要面壁食飯？」他指事件令太太被傳媒追蹤，他說：「佢好驚，佢為人低調害羞，所以咁多年我都冇帶佢出嚟睇首映。（點氹番佢？）讚佢啲相比真人影得好靚囉。」

採訪：名人組