劉心悠昨日出席公開活動，席間被同場的曾志偉及任達華催婚，事後心悠否認拍拖，更謂：「我代言緊嘅奇華係要用待嫁心情拍，所以要Keep住呢個狀態（品牌商畀好多錢你？）每次都OK，同埋佢哋好錫我，年年都送科技產品畀我，啱啱就送咗部4S電話。」問到是否有異性追求，心悠自言性格緊張，往往有異性埋身前便會閃走，根本沒有給予人表白機會。
