祖兒晒靚背為勁歌降溫
「四大」破冰同時，前晚為《勁歌》錄影的容祖兒（Joey）亦在寒冷的晚上，以大露背性感造型上陣，不畏寒冬，她笑言：「背脊啫，我鍾意冬天食雪糕，所以我都請大家食冰淇淋。」
剛在內地返港的Joey，前晚為《2011勁歌金曲優秀選第三回》錄影時不畏寒風性感上陣，並笑說：「唔好冷親心口咪得囉，好溫暖！」以《花千樹》獲獎的Joey，另有歌曲《牆紙》入圍叱咤的「我最喜愛的歌曲」候選名單，對於兩個平台分別欣賞自己不同的歌，Joey就強調自己兩首歌都喜歡，問到可能前者較為熱播？她說：「呢兩首歌係畀唔同觀眾層聽，我錄碟時已知道係有唔同情感性質，唔同歌有咁多人鍾意係開心事。」
爆何詩硬頸
對於其好友何韻詩暗示不會出席叱咤頒獎曲禮，她就帶點尷尬說：「其實歌手出席除咗係參與頒獎禮外，亦都係支持香港樂壇嘅活動，我都會極力鼓勵身邊朋友出席，佢比較硬頸，我儲緊勇氣同佢講。」
而以一頭大曲髮出席錄影的王菀之以《水百合》獲獎，問到何韻詩炮轟叱咤一事，她說：「係咩？我諗佢唔係咁嘅意思，唔似佢作為，我認為佢心地好好，我要問吓先！」
草蜢再奪獎
至於在台慶頒獎禮勇奪兩獎的草蜢再以《華麗舞台》奪得歌曲獎，蔡一傑笑說：「好似返番以前咁，其實依家K歌多，我哋呢啲百老匯式歌曲少，可以畀人選擇吓。」另今年林欣彤與鄭欣宜皆為新人獎大熱，林欣彤說：「我一直都好欣賞佢（鄭欣宜），其實今年好難得新人獎會係咁精彩，（壓力？）有得有失嘅，獎係人哋畀。」
文：影視組