Kelly扭籮fing包賀黎明

Leon一連7場的紅館演唱會圓滿結束，前晚尾場與太太Gaile、嘉欣和老公亨亨在後台來個「世紀合照」，認真難得！正值當日是Leon的45歲生日，台下歌迷紛紛大呼生日快樂，Leon表示生日有少少要求，他謂：「生日唔可以一個人唱呢首歌！」之後全場一齊合唱《孤單的人孤單的我》。當晚的座上客有契爺胡楓、謝天華夫婦和Janice Man，而Gaile和嘉欣在台下揮動螢光棒打氣。

佗緊仔怕憶咀戲

至於擔任特別嘉賓的Kelly，懷孕5個月明顯肚凸凸，不過表現得輕鬆自如，與Leon和雷頌德合唱《紀念日》不時手舞足蹈，唱快歌《花花宇宙》時更不避忌扭腰擺籮又踢腿，相當落力。

Kelly手舞足蹈，比起Leon和雷頌德更「好動」。

黎明（右起）、許晉亨、李嘉欣、樂基兒兩夫婦在後台「世紀合照」。

趁Leon落台換衫，雷頌德即問Kelly與Leon拍電影《江山美人》接吻戲時，覺得對方好不好錫？Kelly笑言：「唔敢講，佗住啲咁嘅嘢（指懷孕）仲敢講咩！」不過她大讚Leon風度十足，雖然Leon有畏高，但當年拍戲時亦不忘照顧她。

Leon與李思捷跳舞搞氣氛，驟眼看以為二人咀嘴。

放大圖片

求「父母」停催生

完騷後，大會安排生日蛋糕送給壽星仔Leon，可惜Gaile未有出現。Leon再次否認太太有喜：「絕對冇，當日諗住Nice啲答大家，搞到大家誤會唔好意思。」可有計劃生龍B？Leon笑言記者似其父母：「阿爸阿媽都未問我生唔生，你哋完全代表我爸爸媽媽不停催生，要有就會自然發生，親愛嘅『爸爸媽媽』，唔好再問我啦！」而Leon稱個多月前找Kelly擔任嘉賓，當時還未知對方有喜。

文：音樂組