Dash情陷Jeana有得睇無得掂
樂隊Mr.首度擔正主角接拍新片《起勢搖滾》，成員Dash（譚健文）更有幸和32C性感女神Jeana（何佩瑜）飾演情侶，本以為Dash可趁機一親香澤，但他卻說跟Jeana拍情慾戲是另有其人，他連對方的手也未有機會掂。
Mr.五子日前在銅鑼灣鬧市拍外景，吸引近200人圍觀，見主音Alan身穿電訊公司制服，Dash就孭住結他駐足欣賞新進樂隊Supper Moment的街頭表演，其他成員MJ、Ronny及Tom則忙於整頭及背劇本，期間有警員向工作人員了解拍攝情況。
唔怕女友呷醋
Dash表示榮幸片中可和譚詠麟合作，本有機會見偶像黃貫中，可惜對方因檔期問題而告終。談及他跟惹火的Jeana扮情侶，可謂艷福無邊，Dash謂：「係呀，不過戲中我要冷落女友，佢好似有場情慾戲，不過唔係同我囉，（有冇得錫吓？）冇，睇劇本連手都唔使拖。」問他可感失望？Dash說沒有，又指工作還工作，不怕女友呷醋。
分開難計酬勞
Dash還跟林子祥囝囝林德正（Alex）夾band，並大讚Alex魅力驚人，他說：「Alex真係好正，覺得佢係『全港女仔唔可錯過嘅男人』，好有才華。」Dash表示不知Alex與吳雨霏傳緋聞，笑言會去八卦吓。問到Dash樂隊可會嘗試各自單飛發展？他相信這個機會不大，皆因Mr.是五位一體，工作主要和音樂有關，而最緊要是：「如果分開做嘢，酬勞好難計，都要注意大家嘅心理質素。」
採訪：音樂組