黎耀祥忙到癲 聖誕冇金執

去年熱爆全城的劇集《巾幗梟雄之義海豪情》，最近在馬來西亞astro電視台「插旗」，反應同樣熱烈！四位主角黎耀祥、胡定欣、黃浩然及敖嘉年早前遠赴吉隆坡宣傳，並與逾百名客戶玩遊戲及唱歌娛賓。雖然抱恙上陣，但定欣仍以背心裙「露兩手」冧客，更爭取時間與眾人到天台欣賞風景。

未試過做得咁甘

對於盛傳監製李添勝將開拍《巾》劇第三集，祥仔笑說：「雖然編審張華標過咗檔，可能有全新故事呢，總之係添哥開我就樂意拍！」

胡定欣抱恙仍為劇集造勢，十分專業。

敖嘉年再拍黎耀祥，坦言「又有嘢學」。

目前趕拍《大太監》及《造王者》的祥仔，大呻入行多年從未試過做得咁甘：「真係忙到難以想像，我凌晨四、五點收工就即刻飛過嚟，連聖誕節檔期都冇時間搵外快。」

敖嘉年計劃結婚

至於浩然透露稍後會偕祥仔赴橫店拍攝《大》劇，對於該地點曾發生陳嘉桓涉遭攬錫事件，他堅稱自己甚少飲酒，太太亦絕對信任：「拍戲已經好用神，仲飲酒？休息吓好過啦！」而嘉年表示再與祥仔合作《造》劇獲益良多，談到圈中喜事重重，與女友拍拖11年的他，亦揚言明年開始計劃結婚。

文：影視組