鍾嘉欣Koo惑人心當贏咗

兩大熱門人選鍾嘉欣及徐子珊分別憑Miss Koo及姚可可一角提名最喜愛角色獎，昨日二人分別出席聖誕活動時均談及對獎項的睇法。活動上得到眾多粉絲到場支持的嘉欣強調自己以平常心面對：「好多討論區同埋記者朋友都話支持Miss Koo，連的士司機都話支持我，我覺得已經做咗人民心目中嘅最喜愛女角色，已經當贏咗。」

30歲前想封后

至於有指得勢的無綫高層陳志雲力撐其對手胡杏兒封視后，她亦認為對方是「勁敵」：「佢係一個好勤力嘅演員，拎到獎都係實至名歸。」離30歲仍有3年時間的她就笑言希望屆時能拿下「視后」殊榮。

聖誕節有着落

至於同樣入圍「我最喜愛電視女角色」及「視后」的徐子珊昨捱凍穿上露背裝出席活動，她笑言睇好呼聲甚高的胡杏兒跑出，她表示：「我已經諗定到時同杏兒、黃宗澤講乜。我第一次入圍『最佳女主角』就入到五強，已經好滿足。（想攞角色獎？）我都鍾意可可呢個角色，但我唔知觀眾有冇投票，不過我都係睇好杏兒同法拉，我寄望明年。」

此外，子珊自爆有男士相約過白色聖誕，她說：「有男仔想約我去旅行過白色聖誕，（關係非比尋常？）依家啲男仔大膽啫，了解中！」