黃宗澤女友攞獎即去廁所
台慶頒獎禮今晚舉行，入圍「最佳男主角」及「我最喜愛的電視男角色」的黃宗澤（Bosco）昨到元朗出席聖誕活動，他受訪時坦言獲獎信心不大：「一半半啦，今年咁多猛人。」提到緋聞女友胡杏兒攞視后呼聲爆燈，問是否已準備慶功？他說：「冇咁快，不過我不嬲都撐佢。（陳志雲喺微博撐杏兒。）唔知係咪真！」有記者笑言若杏兒封后，他定必遭鏡頭大特寫，Bosco說：「走囉！我即刻去廁所。（同杏兒一齊感動到喊？）啋！但佢實喊到成隻嘢咁！」
此外，提到Bosco日前在街頭拍咀戲，他笑說：「我畀人吸住個嘴嚟錫。（杏兒封后，你吸番佢個嘴？）大把人錫佢啦！陳生（陳志雲）、樂小姐（樂易玲）同監製都輪住嚟錫啦！」