何倍倩周慧敏視Grace Kelly為偶像

萬寶龍為向已故一代巨星、摩納哥王妃Grace Kelly（嘉麗絲姬莉）致敬，前日在尖沙咀舉行「Montblanc Collection Princesse Grace de Monaco」發布會和晚宴。提到王妃，恒生新抱何倍倩直言視對方為偶像，覺得她才華橫溢，堪稱是女性的優雅典範。
獨自到場的何倍倩，以高貴優雅的露肩裙示人。
獨自到場的何倍倩，以高貴優雅的露肩裙示人。

當日下午，萬寶龍（Montblanc）先在Heritage 1881專門店舉行發布會，並邀得周慧敏、諸葛紫岐和林莉，以王妃的形象演繹系列中各款名貴珠寶首飾。周慧敏更開心說：「我今日戴呢套名為Rose Princess嘅珠寶，係Montblanc為Grace Kelly致敬嘅一套珠寶，係獨一無二嘅，由我戴上覺得十分之榮幸。」

晚上在半島酒店舉行的私人晚宴，更是星光熠熠，多位城中名人如何倍倩、羅苡之、由美子、季玉年、阮榮文蔚和黃家諾等，均盛裝赴會。而且每位嘉賓能率先目睹這個既經典又高貴的Collection，令大家都印象難忘。

嘉麗絲姬莉永恒的優雅風度、精湛演技和慈愛之心，深受世人景仰。
  • 嘉麗絲姬莉永恒的優雅風度、精湛演技和慈愛之心，深受世人景仰。
周慧敏戴上Rose Princess珠寶，大表榮幸。
  • 周慧敏戴上Rose Princess珠寶，大表榮幸。

大讚高貴有氣質

嘉賓之一的何倍倩就表示：「真係令我大開眼界，我以前買禮物，一諗起Montblanc，只會買佢嘅筆同皮革用品，但睇完呢個騷後，原來品牌仲有第二個選擇；因為啲珠寶真係好靚，尤其係呢個系列，好值得收藏，真係要買番套擺喺屋企看門口。」她更表示Grace Kelly靚到不得了，高貴得嚟又有氣質，是她心目中的女神，無人可取代。

趙式浩舊愛羅苡之與男友陳志健拍拖現身，大晒恩愛。
  • 趙式浩舊愛羅苡之與男友陳志健拍拖現身，大晒恩愛。
珠寶首飾可說是女性的至愛，名媛由美子也偕友人來捧場。
  • 珠寶首飾可說是女性的至愛，名媛由美子也偕友人來捧場。
開設畫廊的季玉年，對藝術推動一向不遺餘力。
  • 開設畫廊的季玉年，對藝術推動一向不遺餘力。

而與男友陳志健一齊到場的羅苡之，對現場的珠寶騷也大感驚喜，並說：「呢個品牌向來都係筆出名，比較男性化，冇諗過啲珠寶首飾會咁靚，雖然我比較少收藏，不過就會以欣賞藝術嘅角度出發。」

文：名人組