馬賽 「紙」盡其用
最近頻頻有劇亮相的無綫小花馬賽，不會輕易浪費紙張，實行為環保出一分力。馬賽自言在家經常會積積埋埋一大堆用過的紙張：「平時要開工所以冇咩時間去執，冇幾耐就會發現積落咗一大堆廢紙，我自己又唔捨得就咁丟咗佢，後尾我就決定將啲只用咗一面嘅紙分類，再用埋另外一面print文件。」
細心的馬賽續指自己連存放紙張的袋子都有講究，她說：「我將啲用咗嘅紙分類之後，就會放入一個由再造紙整成嘅紙袋入面，咁樣既可物盡其用，又可以減少對環境嘅破壞。」
另外，馬賽又指會身體力行將各式的膠樽鋁罐分好再拿去回收，平時每月收到的收據、雜誌甚至已拍完的劇本亦作特別處理：「大部分嘅friend都會選擇將啲單據放入碎紙機碎咗佢，但我就會自己撕爛晒先，再儲埋一大疊至一次過拎去回收。」