無綫劇集《萬凰之王》其中一集，近日被網友發現「道光皇帝」陳錦鴻的龍枱上出現現代膠水樽，網友拍下截圖並放網上，引來一番熱烈討論，更有網友惡搞圖片，寫上：「TVB勁」來揶揄無綫。
記者致電該劇監製莊偉健，早上他已收到消息，即時徹查及看回原裝帶：「通常一個鏡頭有幾個take，可能唔小心將唔要嘅鏡頭喺剪輯時放咗入去用，都唔知係人為定電腦嘅錯。我哋要承擔責任，以後劇集出街前都會再睇多幾次，確保唔會出錯。」他更向發現出錯的人致謝捧場。