謝婷婷明年嫁得趕製龍B

謝婷婷前晚以剪綵嘉賓身份出席珠寶品牌蕭邦中環專門店開幕活動，身穿低胸裝佩戴逾三千萬鑽飾的她明艷照人。對早前Andy揚言若下年沒有世界末日便娶她，婷婷說：「冇同我講過，佢同我父母傾咗先啦，問准佢哋先。」但她甜笑點頭示意會答應下嫁！

絕不會未婚懷孕

談到生育問題，婷婷說自己並不心動：「Andy都改變咗初衷，暗示唔再抗拒生小朋友，不過我唔會未婚懷孕。」

謝婷婷（右二）為品牌專門店剪綵。

林鵬（左）與安志杰打war game，她一開槍彈匣脫落（箭嘴示），真尷尬。

對於前大嫂張栢芝近日又帶兒子Lucas到上海玩，Lucas更被拍到在餐廳周圍走，婷婷說：「Lucas係比較活躍啲，不過佢唔曳，係聰明。（聖誕節會見Lucas？）一定會，佢咁多玩具唔知送咩畀佢好。」

林鵬射靶甩彈匣

昨日Andy則和內地女星林鵬到元朗打war game為英皇電影《逆戰》宣傳，林鵬開槍射人靶時，彈匣突脫落，場面尷尬，她表示可能工作人員未有鎖穩彈匣所致。問到與謝霆鋒合作後的感覺，林鵬說：「不了解他的人，會以為他酷，其實他很熱情。」問到霆鋒和周杰倫那一位較帥？她說：「兩個都帥，眼睛都會放電。」而Andy表示考慮到台灣或日本與女友婷婷同度聖誕。

文：影視組、名人組