岑潔儀有人認頭收起性感
無綫女藝人岑潔儀（Zoey）除了熱愛拍劇外，對司儀工作也有濃厚興趣，她說：「我最想拍旅遊特輯，因為可以周圍去，加上我又鍾意食嘢。（唔怕肥？）怕o架，但食完先減。」Zoey表示最欣賞星級司儀鄭裕玲（嘟姐）及曾志偉，她說：「嘟姐口齒伶俐，有壓台感，我有佢一半已經好好；志偉就轉數快，搞氣氛一流。」
最近「封胸」的Zoey，被問到是否因為和圈外男友訂婚，所以收起性感？她笑說：「自己唔介意性感，年輕有身材就唔怕騷，但唔會太刻意性感。之前見到有o靚模戴住個bra去夜場打碟，畀着我就唔會囉，我覺得好尷尬。」
早前本報披露Zoey訂婚喜訊，她表示收到很多朋友道賀，她說：「有朋友以為我『有咗』，梗係唔係啦，以前情路幾坎坷，依家難得搵到個錫自己嘅Mr.Right，我更加要珍惜。」