城城備戰狀態唔搵熊黛林幫手
郭富城昨日以「聯合國兒童基金會東亞及太平洋地區大使」身份出席活動，本月廿六日生日的他表示很大機會要為新戲《寒戰》開工，希望屆時可抽時間跟朋友食飯慶祝。他說：「睇吓同朋友定公司同事慶祝。（打邊爐？）演唱會進入備戰狀態，呢排要注意飲食。（叫熊黛林準備營養餐？）梗係唔係搵熊小姐整啦！營養餐由營養師準備。（同熊黛林慶祝？）總之希望同晒身邊啲朋友一齊慶祝，我知有朋友好有心，本來要飛去第度做嘢，但都唔飛住，留喺香港同我慶祝！」
另外，城城否認送狗仔給熊黛林做生日禮物，但就不回應送甚麼及如何慶祝，非常口密。