渡海濠情：自信小女人更得人歡心
雖然話各花入各眼，每個男人對女人嘅要求都唔同，有啲鍾意對方夠獨立，有啲則鍾意對方好似貼身膏藥。不過澳門9號會所嘅小雪卻認為，如果想得男士歡心，應該將獨立同小鳥依人兩點合二為一喎！究竟將兩種唔同嘅特點結合，當中有乜秘訣呢？
魄力加大膽
男人係咁麻煩嘅！鍾意嘅時候，就想你成日黐住佢；忙碌嘅時候，卻想你有咁遠走咁遠，唔好煩住佢。既然男人天生咁麻煩，想成為最得男士歡心嘅女人，真係唔係咁容易喎！小雪點頭話：「係呀！想得到男士嘅歡心，真係唔容易，尤其係想成為大忙人男士嘅女人，更係冇一定功夫都好難做到。」要點做先至可以得到佢哋嘅歡心呢？
小雪笑道：「咁就要從男人嘅心理落手喇！其實男人心理唔難明，皆因喺佢哋心目中，女人都係麻煩嘅化身。如果想讓佢哋接納你嘅話，首先就係喺佢面前，表現出你嘅獨立性，唔單只要行事獨立，仲要有自信同魄力，若然加多幾分膽識嘅話，男人就會覺得你好有挑戰性。只要勾起佢嘅興趣，跟住落嚟就會任你擺布㗎喇！」
小鳥依人
女人獨立固然讓男士少啲煩惱，但係樣樣事都由佢話晒事，男友一啲都唔知嘅話，好似關係上多咗層隔膜喎！小雪點頭話：「冇錯！故此女友喺適當時候，又要表現得好需要男士幫助，同埋要小鳥依人，男士先至會覺得你喺佢心目中，有一定嘅地位。」
講就容易，做起嚟好難㗎！小雪搖頭話：「咁又未必！只要女士感覺到，你已經成為佢一部分嘅話，呢個時候開始咁做就得喇！當然，平日相處固然要做到兩者合一，上到床亦要咁做，咁先至可以全面地得到男士嘅歡心。」咁又係呀！床上關係好，床下嘅男士就會任女友搓圓㩒扁。小雪大笑話：「事實確係如此！好似我以前個男友咁，佢就係畀我雙管齊下嘅冧仔大法下，搞到佢神魂顛倒，不知幾咁聽我支笛呀！」
小雪小檔案：
年齡：23歲
身高：5呎2吋
三圍：33、23、33
興趣：溜冰
撰文：魂 攝影：阿章