新劇網上快一步無綫徹查
黎耀祥主演的無綫劇《法證先鋒Ⅲ》，網上出現盜版視頻連結，集數更搶先無綫一步，無綫外事部副總監曾醒明昨日表示：「片段係國語版本，無綫正向發行商了解，追查片段來源，法律部門亦向有關網站要求刪除相關視頻。」《法》劇監製梅小青昨在微博亦呼籲各界尊重版權，而《法證Ⅲ》首周收視平均31點，取代《魚躍在花見》及《潛行狙擊》，成為今年首周最高收視劇集。而黎耀祥昨稱不知道此事：「我諗要由無綫了解，其實都係快兩、三集，我估影響唔大，何況喺網上睇始終唔及喺電視上睇，有失真嘛！」
添哥撐可頤
此外，張可頤被指拍新劇《天梯》時向監製李添勝要求加戲，並打陳茵媺「毒針」，添哥昨說：「可頤瞓覺時間都冇啦，亂咁作，只係我落廠搵佢傾劇本，佢兩個戲份一直冇變，茵媺場強姦戲劇本一早出晒。」截稿前未獲兩位女角回覆。