馬浚偉唔恨做TVB視帝
受挖角潮影響，無綫小生花旦買少見少，而與無綫正鬧提前解約事件的馬浚偉，雖受六嬸方逸華點名挽留，但他昨日與無綫高層傾約時態度仍企硬，表明不為爭獎只想解決件事，問若無綫頒「視帝」以表誠意呢？他堅定說：「唔使嘞！」反映雙方關係仍陷僵局！
馬浚偉11月1日便要入組為內地劇《建元風雲》開工，但臨行前仍有很多事未解決，除為無綫新劇《當旺爸爸》開工外，最急切是與無綫傾提前解約事宜，他希望在下周末前有個解決，無綫可以給他一個新方向。
10.28Deadline
原於明年6月才約滿經理人合約的馬浚偉，因經理人工作出問題而要求與無綫提前解約，事件擾攘多月，早前無綫高層樂易玲曾在報道中質疑他是否在頒獎禮前發牢騷，此話更令人覺得馬浚偉「扭計」要獎。
昨日與鍾嘉欣等人為《當》劇拍外景的馬浚偉聞言，即澄清解約不為爭獎，並堅定表明立場無綫頒「視帝」也不會要：「我今朝同過一位無綫高層傾過解約嘅進展，（想無綫畀咩你？）畀咩都好，但絕對唔係畀獎我，任何獎我都唔會要，（如果無綫以表誠意頒個『視帝』你呢？）唔使嘞！」雙方雖然僵持着，但他坦言希望10月28日前，無綫可以給他新方向，並笑說：「我今年唔要『視帝』，唔代表我之後冇機會攞！」
鍾嘉欣開心破冰
至於昨日拍攝的場景，演的士司機的馬浚偉被劫匪挾持，由演警察的鍾嘉欣營救，當時正值學校放學，不少學生及街坊圍觀及索簽名。嘉欣表示對無綫「四大」破冰大感開心，希望明年集中唱歌，她說：「當然係好事，多番歌星演出，我哋又多咗機會同佢哋合作，又可以學多啲，（想同邊個合作？）張敬軒、陳奕迅！」
文：影視組