松岡抑鬱男友餵食
日模松岡李那與o靚模蔡穎恩昨日出席Miffy×2%專門店開幕，早前被指患有抑鬱的松岡表示已康復不少，並得到男友悉心照顧：「我節食減肥，所以好易攰，又食唔落嘢，男友會餵我食嘢，佢好擔心。」她自問是思想正面的人，不明為何會有抑鬱，但承認學國語令她大感壓力：「我最初嚟香港會喊，因為唔識聽又唔識講廣東話，又好掛住屋企。」
至於蔡穎恩懷疑因敏感或內分泌失調以致爛面，問到是否與樂隊Mr.成員Tom分手有關？她否認﹕「一定唔會，我依家心情非常好。（識個男仔會好啲？）識咗，但唔係男朋友，我都想有，畀啲陽氣我，希望搵個好男仔。（之前嗰個唔好？）我哋可以做好好嘅朋友。（唔怕佢太太呷醋？）我唔想再講。」
