中環拖型男 鍾麗緹隨時再嫁人
經歷兩次婚姻失敗的女星鍾麗緹，日前被本報拍得和型男拖手攬腰蜜遊中環，雖然斷正，但前晚單身出席活動的鍾麗緹仍強調自己冇拍拖，更認為拖手是閒事，但不排除再婚可能，笑言現在太忙，即使有追求者都感受不到！
41歲的鍾麗緹今年承認和第二任丈夫嚴錚離婚後，早前被拍得在內地和一四眼男士撐枱腳，日前更被本報獨家拍得和一位貌似大S老公汪小菲的型男，儼如熱戀中的戀人般，攬腰拖手蜜遊中環。
北京嗰個係導演
前晚一臉神采飛揚的鍾麗緹出席活動，同場更有「玩具大王」蔡志明的子女蔡加讚及蔡加怡，以及名模林莉等。強調現在冇拍拖的鍾麗緹說：「大家太敏感嘞，多謝大家關心！兩個都唔係我男朋友，佢哋都唔係追我，北京嗰個係導演葉偉民，當日我哋係傾戲。香港嗰個係朋友，我係鬼妹仔性格，拖手好閒，我真係個個都拖o架！我依家好享受自由自在嘅生活，好開心，依家冇時間（拍拖），好忙，有時間都留畀小朋友啦！如果我拍拖你哋一定會知！」
無意返香港居住
至於遇到合適對象會否再婚？鍾麗緹說：「真係好忙，冇時間諗，生命令我冇時間諗呢啲嘢，我咁忙，就算有人追都feel唔到啦！」現時定居北京的她，無意搬來香港居住，更言已來港工作十天，昨天會返京外，日內更會到深圳與吳鎮宇合演笑片。
文：名人組