江芷妮愛美麗 等人mark

事事親力親為，全因不想做「掛名」老闆：「04年與朋友合資開設美容院，當時又拍劇又做主持，但都堅持修讀美容證書課程，大王（安德尊）都勸我專心拍劇，佢話畀錢請人做咪得囉！但我堅持做嘢唔可以假手於人，幾辛苦都要完成個課程。」

投資七位數

09年Cherie獨資開設美容院，後順利開設分店，她的經營之道就是堅持親手做及做到最好：「最重要是客人開心、能relax，所以我都好揼本，當初都投資咗七位數字。」

現在男士們都愛修飾儀容，Cherie的女顧客也會帶同另一半來光顧，但當中以女顧客居多。她笑言自己手勢唔錯：「都有顧客mark我o架，價錢都係一樣，唔會收貴啲。」

Cherie又甜絲絲表示拍拖兩年的男友支持她開舖頭：「我哋感情好穩定，雖然我好忙，但佢從來冇投訴我冇時間陪佢，仲好支持我打理自己嘅生意。」

四張cert傍身

Cherie為了更專業打理她的美容院，早前修畢了國際認可的美容證書課程，包括ITEC以及CIBTAC，她表示此兩個課程都分別花了她一年時間以及三萬港元。

另外Cherie又考獲了香港職業訓練局的VTC證書，她花了幾個月時間及約三千元，通過筆試以及操作試後才考獲此證書。Cherie為了能有效管理她的美容院，更於香港大學修讀了MBA課程（工商管理碩士學位）。

文：李佩珊

攝影：秦健輝

場地：Skinpro