靚靚一家會寧波車誓追龍女
一直恨再生多個的袁詠儀（靚靚），幾年來不斷用盡方法，甚至犧牲內地拍劇掘金機會，情願留港養好身子造人，由於至今仍未有聲氣，昨日她秘密與老公張智霖（Chilam）帶同囝囝往法會，祈福追龍女；而之前坦言想生仔的劉嘉玲，更連續三日現身法會，相當誠心。
連日來灣仔會展星光熠熠吸引不少紅星出席，因正舉行《噶瑪巴九百週年慶典》，圈中很多佛教信徒亦到場支持，而其中一位主持更曾是千億新抱徐子淇篤信的第九世堪千‧創古寧波車，當年徐子淇曾三日三夜跪地求子。在昨日早上法會席上發現多年來希望再生多個的袁詠儀，身邊有老公張智霖與囝囝張慕童（魔童），他們沒有由正門進入，反而改用秘密通道。
魔童乖乖聽道
法會一開始，坐在前排位置的靚靚顯得非常虔誠，專心聆聽主持在台上誦經，年紀小小的魔童似乎很有慧根，全程眼仔睩睩很定性由父親抱着，直至大會安排各人排隊上台接受主持創古寧波車祈福時，靚靚立即起身抱起魔童，而張智霖就緊隨其後，當面對面與創古寧波車接近時，靚靚先讓囝囝祈福，只見她口中唸唸有詞，未知是否祈求追龍女？落台後他們一家人即悄悄離開。
追B仍抱希望
事後Chilam接受電話訪問時表示：「都信咗成十年，感覺樣樣都好好、好稱心。（帶埋魔童嚟？）等佢聽吓道囉。」另外，ChiLam被傳將會為無綫新劇《衝上雲霄2》擔大旗，由每集四萬薪酬躍升為八萬，ChiLam聞言回應：「無綫方面的確好有誠意，不過劇本都未出，一切言之尚早，接唔接拍我都要睇咗劇本先決定。（八萬蚊一集？）呢啲係商業秘密。」
另外，劉嘉玲繼前日早上與老公梁朝偉現身法會，晚上再單拖出席後，昨日早上又成為座上客，之前坦承想生仔的她，雖然之後改口風做母親等天安排，可見她仍抱有希望，故趁偉仔昨日要離港工作，亦不惜犧牲二人世界時間拉偉仔出席法會，而她亦不諱言聽道後心情開朗，今日亦會參與灌頂儀式，非常誠心。
文：影視組、攝：追蹤組